屋企適合用地磚定地板？兩者有咩分別？其實地磚地板佔全屋面積吾少，而且角色重要，決定左一間屋嘅耐用性，同時會影響居住環境嘅質素、其他傢俬嘅保養、美觀等等。所以話，一間屋之計，絕對喺在於塊「地」。
咁點樣先知屋企適合用「地磚」定「地板」呢？

地磚
地磚係耐磨首選，瓷磚容易清潔，落綠水、稀釋漂白水洗地都得，又唔怕蛀蟲、潮濕，不過保溫性低啲，冬天間屋就相對寒冷，地磚容易凍冰冰，行起上嚟冇咁舒服，情況誇張上嚟可能會有爆裂。地磚有好多顏色選擇，花款夠多夠新穎，如果追求設計感豐富，地磚就喺不二之選。

木地板
木地板舒適感唔錯，季節嘅溫差冇咁大，不過如果屋企住近海皮，就容易因為潮濕，而出現地板「撬起」嘅情況。保養不善，可能會有蛀蟲，影響屋企居住質素。用實木地板的話，耐用度就高好多，亦冇冷縮熱漲而出現爆裂嘅問題。
設計方面，木地板有一種自然嘅感覺，好和諧，家居嘅舒適感好強。

地磚/地板裝修保養小知識：
鋪磚：選擇地磚，裝修師傅會有鋪磚嘅程序，一般會有泥水師傅施工，以乾濕沙鋪磚，再為瓷磚預留膨漲及收縮空間，就可以減少因為溫差而有爆裂或者瓷磚鬆脫嘅情況。不過瓷磚厚度至少要有9mm，另外唔可以放置重型傢俬。

木紋磚代替木地板？
用靚木地板價公相對昂貴，但質素較差會較難做好防潮。如果對木地板嘅性價比有保留，但又鍾意木地板嘅感覺，可以揀用木紋磚。木紋磚有木嘅花紋外觀，但耐用度喺瓷磚級數，性價比高。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
全方世位家居生活資訊平台 – Don’t Worry, Be Happy
想支持我地及搶先得到更多家居生活小貼士，記得讚好專頁
如有任何關於家居維修問題，歡迎隨時inbox小編問意見
即刻瀏覽我們的網頁溫故知新：https://noworryliving.com/
#無憂生活Plus#家居生活
#家居維修#輕鬆DIY#品味生活#生活小貼士
#家居維修#地磚地板二選一