到了夏天，好多家庭都會面對同樣問題，就係冷氣機滴水。唔係樓上滴到自己就係自己滴到人，其實想解決好簡單，今次就同大家講吓冷氣機滴水的成因和解決方法。
一般情況下，都係冷氣機去水管出現問題。最大機率出現嘅問題係去水管淤塞，原因在於冷氣機喺製冷過程中產生冷凝水，而污水會滴在水盤上，經過去水管先可以排走，如果積累太多“污糟嘢”，加埋塵、碎屑等雜物，便會造成堵塞。積水一多，水盤滿瀉就會滴水。
另一種可能性係去水管或者水盤老化或者損壞有裂痕，導致滴水。
一般淤塞能夠用肉眼分辨，但如果老化的話就要拆開冷氣機才可以檢查清楚。窗口式冷氣的喉管駁在室外，分體式冷氣的去水管則通常安裝在天花和牆身，需要找冷氣師傅幫忙檢查。
最壞情況係室內冷氣滴水，即使長期用水桶裝水，都要忍受滴水聲，實在擾人清夢。這是由於去水管淤塞有機會影響室內冷氣，造成冷氣內部去水慢，久而久之就會從出風口倒流。另一個室室內冷氣滴水的原因，就是冷氣師傅在安裝過中程中忘記度「平水」，斜度並非向去水喉一側傾斜，引致水積聚在另一側，導致滴水。又譬如窗口式冷氣機在安裝時，向入邊傾斜，去水管堵塞後就會向入邊滲水。最後一種可能性係裝修工程駁去水管的時候，水管不是向下，並有凹位或斜起呈山坡狀，令內裡的水倒流翻機身，引致向內滴水。
坊間流傳很多冷氣機滴水解決方法，例如用膠喉伸入機內吹氣「通喉」，或者將去水喉拆開，用鐵線向裡面伸從而挖走喉管或水盤駁口位的污物。另一種是拆除機蓋，用膠喉伸入機內去水位吹氣，「谷」走積聚污物。另一種同樣是用氣壓，利用高壓水槍打通喉管。當然最好都是找師傅檢查，萬無一失。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
全方世位家居生活資訊平台 – Don’t Worry, Be Happy
想支持我地及搶先得到更多家居生活小貼士，記得讚好專頁
如有任何關於家居維修問題，歡迎隨時inbox小編問意見
即刻瀏覽我們的網頁溫故知新：https://noworryliving.com/
